“Kuandu ita hakarak komitmentu serbisu, labele halo intervensaun politika ba iha instituisaun Ministeriu Publiku no Komisaun Anti Korupsaun (KAK),"hatete Diretor Ezukutivu FONGTIL Daniel Carmo iha Edifisiu Crus Vermelha Timor-Leste (CVTL) Bairo Formoza, kuarta (14/10).
Nia hatutan, maski lei Medidas prevensun no kombate korupsaun ba Prezidente Republika promulga ona, hodi fo konpetensia ba KAK atu konbate korupsaun, maibe tenke halo nafatin kordenasaun ho Ministeriu Publiku.
Tanba tuir nia, Serbisu sira ne'ebe antes ne'e KAK hala'o, ida ne'e bazeia ba delegasaun husi MP, sira bele investiga mos, sira labele lori ba rejista iha tribunal, so ministeriu publiku deit maka bele halo id ne'e, tanba iha timor ne'e odamatan boot atu ba hetan justisa ne'e maka ministeriu publiku.
Ne'e duni nia konsidera serbisu ida ne'e , KAK mesak sei labele halo buat ida, no Ministeriu Publiku mesak mos sei labele halo buat ida, Maibe sira presiza kordena malu atu oinsa mak hamosu serbosu ne'ebe profisional.