Login to your account

Username *
Password *
Remember Me

PM Taur: "Ha'u Haruka MF Deskansa De'it"

Ministru Finansas, Fernando Hanjam hasoru malu ho PM Taur Matan Ruak iha palasiu governu iha tempu ruma kotuk Ministru Finansas, Fernando Hanjam hasoru malu ho PM Taur Matan Ruak iha palasiu governu iha tempu ruma kotuk Foto Midia PM

Tempotimor (Dili)-Relasiona ho polémika ba rezignasaun Ministru Finansas (MF) Fernando Hanjam, Primeiru Ministru (PM) Taur Matan Ruak hatete katak, nia seidauk simu karta rezignasaun husi Ministru Hanjam, maibé nia mak haruka de’it ministru ne’e deskansa.

Xefe Governu ne’e dehan, maske informasaun ne’e esplla ona iha media balun, maibé to’o ohin nia seidauk simu karta rezignasaun husi MF Hanjam.

"Ha'u seidauk simu karta rezignasaun, maibé buat saida mak ha'u fó autorizasaun mak señor ministru kontinua lai estadu konavalesensia ka deskansa iha uma, tanba nia saúde la permite atu kontinua nia servisu," dehan PM Taur iha Palásiu Prezidensiál Bairru-pite, Kinta (15/10).

Hafoin rekupera nia saúde, PM Taur hatete, mak sei haree oinsa atu hala’o serbisu.

"Agora nia moras, ne'ebé hela de'it iha uma, depois nia di'ak ona mak ita haree ninia servisu.”

"Nia moras saida ne'e ha'u labele ko'alia iha ne'e, maibé ne'e médiku sira hatene, buat ne'ebé ha'u hatene mak nia saúde la permite," dehan PM.

Bainhira ministru sei deskansa, PM Taur hatutan, kompeténsia Ministériu Finansas nian delega ba vise ministra Sara Lobo Brites.

Entretantu tuir observasaun, sorumutuk KROP ba OJE 2021, Ministru Hanjam partisipa dala rua de'it hafoin moras, Vise Ministra Sara Lobo maka kontinua partisipa to'o remata. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter