FM: PSIK Kaer Pistola, Sei Aumenta De’it Problema

By Tempo Timor October 15, 2020 2851

font size decrease font size increase font size
Print
Email

Autoridade sira husi PSIk no Alfandega haree no hasai hela kaixa ho kilat ba PSIK ne'ebe to'o ona iha Aeroportu Dili Foto Especial

Tempotimor (Dili)-Desizaun governu ne’ebé lidera husi Primeiru Ministru Taur Matan Ruak hodi sosa pistola ba Polisia Sientifiku Investigasaun Kriminal (PSIK) sai preokupasaun, tanba iha posibilidade atu hamosu ameasas no perigu ba sidadaun, inklui hamosu ego sektoral entre institusaun estadu.

Diretor Ezekutivu Fundasaun Mahaein (FH) João Almeida hatete, PSIK nia natureza hanesan investigadór la merese atu uza kilat.

Nia hatutan, kilat sai istoria nakukun iha Timor-Leste, hanesan krize 2006, kazu Maubara, Munisipiu Likisa, kazu Kuluhun no seluk tan.

"Fundasaun Mahein haree katak sosa kilat ka umenta kilat ba Polisia Sientifika Investigasaun Kriminal (PSIK) siginifika sei fó perigu ba sidadaun sira i bele sai amesas ba institusaun estadu sira inklui aumenta problema," dehan João ba www.tempotimor.com via telemóvel, Kinta (15/10).

Nia hatete, bainhira PSIK mós uza arma bele mosu ego sektoral entre institusaun estadu no ikus mai Juiz, prokurador, advogadu, defensor publiku, no alfandega, inklui seguransa prizaun bele husu kilat.

Molok ne’e, Xefi Estadu Maior Falintil Forsa Defeza Timor-Leste, Major Jeneral Lere Anan Timur mós deskorda ho desizaun governu sosa kilat ba PSIK tanba tuir Lere bele fó perigu ba estabilidade seguransa iha Timor-Leste.

Rate this item

(0 votes)

Last modified on Thursday, 15 October 2020 15:51

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com