Tuir Deputadu ne’e, bainhira Fretilin ba viabiliza mosu alargamentu ba estrutura Governu ho Vise Primeiru Ministru na’in rua, aumenta ho ministru koordenadór sira, no ministru lubuk tan, inklui alokasaun osan ba RAEOA ne’ebé sei segredu no sa’e barak tan.

"Partidu Fretilin halo propaganda polítika bosok hodi halo beik ita-nia povu, nune’e atu desvia atensaun públiku kona-ba orsamentu ne’ebé boot, no Governu ne’ebé bokur demais ba despeza la nesesáriu sira mak hanesan; liu $78 milhões atu finansia rekrutamentu polítika iha rúbrika tékniku profisionais nian," dehan nia liu husi deklarasaun polítika iha plenária PN, Segunda (19/10).

Tan ne'e, Bankada CNRT husu ba Partidu Fretilin atu hatene toma responsabilidade ba krize polítika ne’ebé Fretilin duni maka kria dezde 2017 to’o halo Asaltu Podér Parlamentu Nasionál iha loron 19 Maiu 2020.

"Atu termina, CNRT afirma, sei kontinua defende nia prinsípiu sira atu respeita ba Konstituisaun-da-Repúblika no hakru’uk ba prinsípiu normas Estadu Direitu Demokrátiku. CNRT sempre halo esforsu  hakarak tebes atu Timor-Leste tenke ba oin no sai buras, maibé tenke la’o tuir Konstituisaun nu’udár ruin no rán, no mata-dalan ba Konstrusaun Estadu, la’ós liuhosi dalan Golpe.