Tanba ne'e, Sekretáriu Estadu Ambiente (SEA),Deometrio Amaral hateten, sosiedade hotu tenki iha responsabilidade ba aan rasik atu labele soe lixu arbiru hodi minimiza risku inundasaun, labele hein de'it projeitu 3 dollar foin halo servisu.

Nia akresenta, pensamentu ba projeitu 3 dollar presija deskonstrui ka halakon, tanba protejetu ambiente ne'e, SEA rasik labele atu rekruta funsionariu hodi koloka ba kada bairu, tanba bainhira inundasaun akontese la'os institusaun estadu mak sofre uluk, maibé komunidade sira ne'ebé hela iha bairu mak sofre.

"Tanba ne'e, tenki hatene risku sira no hotu-hotu servisu atu minimiza risku, labele hein 3 dollar mai mak ita servisu, mentalidade sosiedade 3 dollar ne'e tenki ita deskonstrui," dehan Deometrio iha Salaun Infordepe Balide, Kinta (22/10).

Deometrio mos esplika, maneira seluk mak formasaun ba juventude sira liu-husi kriasaun Brigada Ambiental (BA) ne'ebé ho nia papel atu kontribui no tau matan ba komunidade kada bairu atu labele soe lixu arbiru. (*)