Liu husi komunikadu Imprensa semanal Parlamentu Nasional nian ne'ebe organiza husi portavos Lídia Norberta, deklara, ho livru panorama ne'ebe sei demora iha governu, maka PN seidauk bele halo debate ba OJE 2021.

Ne'e duni, nia hatutan, agora Parlamentu presiza fo tan tempu ba  governu atu oinsa maka finaliza livru panorama.

Tanba, nia dehan   orsamentu ida agora nian mai ho ninia proposta orsamentu ne'ebe tau kada programa ida-idak nian ne'ebe forma husi  UPMA.

"tinan-tinan Orsamentu mai ne'e, mai la ho forma ida orsamentu por programa, enkuantu ke tinan ida ne'e hahu husi 2021 ne'e, orsamentu ida ne'e mai ho formatu de orsamentu por programa ne'ebe mak respeit ba UPMA ninia formatu, entaun, tanba ida ne'e mak demora,"dehan nia iha Parlamentu Nasional sesta (23/10).

Maski nune'e, Nia fiar semana oin  parlamentu nasional bele realiza ona plenariu ba Proposta OJE 2021, tanba  parte governu mos desidi ona katak dia 29 outubru  governu sei entrega livru hirak ne'e ba PN.(*)