Nia dehan, durante tinan sanulu, rede barak mak mosu tanba uza Xanana nia naran hodi goza povu nia osan, kada tinan ida halo riku sira nia grupu no individu.
"Bankada FRETILIN mos husu atu kontinua investiga nafatin atu desmantela total rede ida ne’ebé tinan barak subar iha lider balun nia kalilin okos, uza kombatente no veteranu sira nia naran halo riku sira nia an. Ukun dékada ida resin gasta osan biliaun $14, rezultadu mak veteranu 24 anos sai marginalizadu, ema ho defisiensia sai marginalizadu,"dehan nia liu husi deklarasaun politika iha plenariu PN, segunda (26/10).
Tuir deputadu nee nia hare katak, durante ne'e Povu iha sidade Dili deit mós sei susar ba bé mós, sá tan iha munisípiu no áreas rurais, maibe CNRT la preokupa no sira preokupa liu mak goza povu nia osan durante dékada ida resin halo riku grupu oan ida.
Deputadu nee lori bankada FRETILIN nia naran kongratula ministru no sekretariu estadu veteranu, CAC, Prokuradoria Jeral Repúblika ne’ebé konsegue identifika ema balun hodi lori ba justisa, atu kumpre dalan justisa.