PD, PUDD no FM Partisipa Retiru Apoia OJE 2021

By Tempo Timor October 31, 2020 4245

font size decrease font size increase font size
Print
Email

Sekretariu Jeral FRETILIN, Dr. Mari Alkatiri, Primeiru Ministru VIII Governu Konstitusional, Taur Matan Ruak, Prezidente Parlamentu Nasional, Dr. Anicetp Guterres no Konsilleiru Máximu partidu KHUNTO, Naimori, iha meza, lidera retiru plataforma polítika, sustenta VIII Governu Konstitusional, ne’ebe hala’o iha auditoria ensinu fakuldade enjinaria, UNTL, Hera, Dili iha loron Sexta (30/10) Foto Suplai

Tempotimor (Dili)- Líder bankada opozisaun iha Parlamentu Nasionál hanesan Partidu Demokrátiku (PD), Partidu Unidade Dezenvolvimentu Demokrátiku (PUDD) no Frente Mudansa (FM), partisipa iha retiru dalima (V), oitavu governu Konstitusionál nian lidera husi PLP, FRETILIN no KHUNTO, ho objetivu atu fó apoiu ba Orsamentu Jerál Estadu (OJE) tinan 2021.

Hafoin retiru, Sekretariu Jerál partidu Frente Revolusionariu Timor-Leste Independente (FRETILÍN), Mari Alkatiri hateten, bankada opozisaun ne'ebé partisipa retiru oitavu governu nian ba dalima iha kampuz Universidade Nasionál Timor Lorosa'e (UNTL), politeknika hera, atu apoia OJE 2021 iha Parlamentu Nasionál.

"Bankada sira la'ós membru plataforma, tanba sira partisipa iha ne'e, iha últimu Orsamentu sira mos vota afavor ", dehan Alkatiri hafoin retiru Sesta (30/10).

Nia afirma, pozisaun plataforma entendimentu partidu Fretilín, PLP, no KHUNTO, nia mak koordenador, tanba ne'e iha retiru atu prepara ba Orsamentu Jerál Estadu (OJE) tinan 2021 nian.

"Hau hanesan koordenador plataforma entendimentu, prontu plataforma ne'e, Fretilín, PLP, KHUNTO, maibé ha’u mak kordena", nia hateten.

Nia esplika, retiru ne’e laiha desizaun ruma, maibé oinsa atu halo diskusaun ida kle'an hodi prepara ba diskusaun OJE tiann 2021 iha Parlamentu Nasionál.

"Ohin laiha desizaun, diskusaun sobre halo nusa mak prepara an atu deskuti OJE 2021", nia akresenta.

Rate this item

(0 votes)

« Horta Halo Espozisaun Permanente ba Prémiu Nobel da Pás iha Faról Posibilidade CNRT-UDT de’it mak Sai Opozisaun ba OJE 2021 »

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com