Haree situasaun ne’e Prezidente Repúblika (PR) Francisco Guterres Lú-Olo ‘ezije’, Ministru Veteranus tenke haree no hadi'a.
"Ha'u haree katak saudozu balun naran komesa moos dadauk ona, maibé atu hadi'a ida ne'e, kompeténsia Ministériu Veteranu ninian, liu-liu Sekretáriu Estadu Asuntu Kombatentes Libertasaun Nasionál (SEAKLN) no Konsellu Nasionál Kombatentes Libertasaun Nasionál Timor-Leste (KNKLNTL)," dehan PR Lú-Olo iha Jardim ba eroi sira iha Metinaru, Segunda (2/11).
Xefe do Estadu mós dehan, iha futuru governu presiza hadi'a ka halo reparasaun fila fali.
Entrerantu liga ba saudozu sira sei rai iha uma halo’ot eroi sira nia restu mortais, seidauk halot, mak PR Lú-Olo dehan, lista balun parte veteranu nian enkamiña ona ba Prezidénsia Repúblika.
"Ba restu mortais sira ne'ebé seidauk halot ne'e, nafatin iha Ministériu Veteranu nian, ne'ebé programa iha Prezidénsia Repúblika nian ha'u simu tiha ona, tanba ne'e ha'u fiar, iha tempu oin mai, sira bele hamutuk ho governu para kontinua rekolla restu morais husi ita-nia saudozu sira-nian," katak Lú-Olo.
Prezidente da Republika esplika, "barak tebes mak seidauk mai, iha seluk hanesan Lospalos ne'ebé sira rekolla no tau hela iha fatin, tanba ne'e Konsellu Kombatentes Libertasaun Nasionál ninian mós dehan katak oinsa atu hadi'a jardim ba eroi sira iha iha sira-nia munisípiu rasik para rekolla sira hotu nia restu mortais," dehan Nia.(*)