Nia dehan, tuir loloos sasaun marxa husi RNDJK atu lori karta petisaun hahú tiha ona iha loron 4 fulan ne’e, maibé iha kanselamentu tanba problema Covid-19 nomós mós intervensaun husi parte militár sira nian.

Maske nune'e, nia hatutan, situasaun ida ne'e lahamate RNDJK ninia objetivu atu la'o ba oin, tanba agora daudaun sira kontinua nafatin sintuniza situasaun polítika atuál iha rai laran, oinsá mak mudansa ba estadu emerjénsia relasiona ho tan Covid-19 ne'ebé TL ho hatene mundialmente efeita ema barak.

"RNDJK kontinua nafatin ho ninia objetivu atu mai ho asaun ne'ebé tenke realiza duni hakarak ka lakohi iha tempu nadak ou iha tempu naruk mós kontinua nafatin realiza", Ángela Freitas hato’o liuhosi konferénsia imprénsa ne'ebé hala'o iha sede Akait, (11/11).

Nia hateten, petisaun ne'ebé atu hato'o ba PR Lú-Olo, iha tempu besik, husu atu rezigna aan husi kargu PR, tanba parte RNDJK rasik mós prepara ona kandidatu neebé atu troka hodi impurra iha situasaun sira ne'e, liu-liu oinsá mak atu hadi'a polítika atuál rai laran.