“Enkontru ne'e ko’alia kona-ba prosedimentu tékniku sira oinsá mak atu servisu ne'e bele la'ó, Alende ne’e, ko’alia kona-ba oinsá maka atu bele asegura servisu ida di'ak, efetivu no efisiente liu tan hodi asegura servisu ne'ebé fó benefísiu ba ema hotu”, Elizário Ferreira hato’o ba www.tempotimor hafoin sorumutuk ho MKAE iha palásiu governu, Kuarta (11/11).
Ministru Koordenadór Asuntu Ekonómiku (MKAE), Joaquim Amaral mós hateten katak, enkontru ne'ebé hala’o nu'udár enkontru regulár ne’ebé realiza hamutuk ho ministériu implementadór sira kona-ba distribuisaun sesta bázika.
Nia dehan, reuniaun ida útil teb-tebes tanba bele hetan informasaun kona-ba esperiénsia ne’ebé sira halo ona, hodi trasa mós programa ba oin atu bele aselera prosesu servisu ba oin ho di’ak.
“Hadi'a mekanizmu koordenasaun, kontratasaun, lojístiku sira ne'ebé presizu, ne'ebé ohin informasaun lubuk bo’ot ida ko’alia ho ministériu implementadór sira”, nia haktuir.
Nia hatutan, iha ne'e, sira ko’alia mós kona-ba tabela presu sesta bázika nian tuir duni lójika tanba sira halo bazeia ba folin sasán iha merkadu, inklui abranje mós transformasaun, empakotamentu hodi distribui produtu finál iha kada suku.
“Sim, konserteza, aserta sira ne'e hotu, presu, kontratu sira ne’e ohin produtu sira ne'ebé atu lísta sira ne'e ohin aserta hotu”, nia tenik. (*)
PUBLISIDADE