Login to your account

Username *
Password *
Remember Me

KAK sei “Investiga” Programa Sesta Bázika

Edifisiu KAK iha rua Sergio Viera de Mello iha Farol Dili (13/11) Edifisiu KAK iha rua Sergio Viera de Mello iha Farol Dili (13/11) Foto Tempo Timor

Tempotimor (Dili)-Komisaun Anti Korrupsaun (KAK) sei halo investigasaun ba “Programa Sesta Bázika husi governu, atu bele hatene tuir kona-ba programa ne’e rasik to’o duni povu ka la’e.

Komisáriu KAK Sérgio Hornai hateten, oras ne’e daudaun KAK kontinua Servisu hodi loke prosesu investigasaun ba programa sesta bázika, oinsa mak programa ne’e bele to'o iha komunidade liman laran.

Sérgio informa katak, presija duni atu asegura, tanba ne’e maka, KAK iha ona ekipa ida hodi hala'o hela servisu makaas atu halo investigasaun no prevensaun ba programa sesta bázika, ne'ebé organiza husi governu.

Nia konsidera prosesu ne’e sei ajuda KAK atu deskobre diak liu tan katak, distribuisaun ne'e fahe ona ba komunidade ka la’e.

"ita halo hela servisu makaas ba sesta bazika ninian iha parte investigasaun no prevensaun nian. Ita halo hela vizilansia iha primeiru lansamentu to'o iha distribuisaun. Ita halo observasaun mós ba iha lei sira, distribuisaun sira to'o iha benefisiáriu sira ne'e katak, los ka la’e tuir ita nia lei sira ne'e," Sérgio hateten lia hirak ne’e, hafoin audiénsia públika OJE 2021 ho komisaun A no B iha PN, Sesta (13/11).

Husu kona-ba produtu ne'ebé diskonfia governu sosa la tuir presu ne'ebé mak antes ne'e deside, Hornai hateten, KAK sei kria ekipa tékniku ida atu bele hare no ke'e kle’an oinsa presu produtu ne'e tuir duni rekézitu legál.

"Konserteza iha ekipa tékniku ida iha ne'eba atu halo kle’an ida ne'e, Oinsa mak hare produtu ne'ebé mak la prienxe rekézitu sira ne'e," nia dehan.

Antes ne'e deputada bankada CNRT Maria Fernanda Lai akuza governu da-ualu lori programa sesta bázika hodi bosok povu tanba tuir nia, programa ne'e governu la’ós fahe hahan de’it maibé, governu ba fahe mós pastadente ne'ebé ho folin ki'ik liu 0.50 sentavus.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter