Login to your account

Username *
Password *
Remember Me

Dezembru MNEK Konklui Servisu Tékniku Adezaun TL ba ASEAN

Ministra Negósiu Estranjéiru no Kooperasaun (MNEK) Adaljiza Magno Akompana husi Diretora ne'ebe serbisu ba Adezaun TL ba ASEAN hasoru malu ho Prezidente Repúblika (PR) Francisco Guterres Lú Olo iha palasiu Prezidensial Bairo pite Dili (16/11) Ministra Negósiu Estranjéiru no Kooperasaun (MNEK) Adaljiza Magno Akompana husi Diretora ne'ebe serbisu ba Adezaun TL ba ASEAN hasoru malu ho Prezidente Repúblika (PR) Francisco Guterres Lú Olo iha palasiu Prezidensial Bairo pite Dili (16/11) Foto Midia PR

Tempotimor (Dili)- Ministra Negósiu Estranjéiru no Kooperasaun (MNEK) Adaljiza Magno informa katak, Dezembru tinan ne’e, servisu tékniku nian hodi lori TL ba organizasaun internasionál ASEAN hotu ona.

Tanba ne'e, MNEK Hahú diskute no introdús ba Prezidente Repúblika (PR) Francisco Guterres Lú Olo no mós Primeriu Ministru (PM) Taur Matan Ruak inklui Prezidente Parlamentu Nasionál (PPN), hodi lian ida ba polítika TL nian ba ASEAN.

"Ami mai breafing señor Prezidente Repúblika kona-ba ita-nia prosesu adezaun ba ASEAN, tanba prosesu ne'e la'o di'ak loos ona, depois iha simeira iha loron hira liubá ne'ebé iha mudansa husi lideransa Vietnam ba Brunei Darusalam," Ministra Adaljiza hateten ba jornalista sira iha Palásiu Prezidensiál bairru-pite, Dili, Segunda (16/11).

"Iha dia 7 no 8 Dezembru, sei iha ultima konferénsia virtuál kona-ba pilar ekonomia ninian. Entaun, iha momentu ne'ebá servisu tékniku ninian hotu ona. Agora ita esforsu mak halo polítika, tanba ne'e mak ami mai ko'alia ho Prezidente, depois ko'alia tan ho PM no PPN atu ita bele iha asaun no lian ida de'it oinsa esforsu hamutuk iha área polítika nian hodi aselera ita-nia prosesu adezaun ba ASEAN," Adaljiza hateten.

Nia mós informa katak, PR Lú Olo kontente, tanba esforsu tékniku no liña ministeriál sira konsege hatudu ona rezultadu balun.

"Prezidente kontente tebes ho prosesu ne'ebé iha ona, purtantu nia apoia esforsu ne'ebé mak MNEK ho liña ministeriál sira seluk halo ona, tanba ne'e PR prontu ajuda iha parte polítika ninian," nia dehan.

Tuir fontes tempotimor.com iha governu informa, Timor Leste iha posibilidade iha tempu besik bele tama ba ASEAN tan ba Singapora dada ona sira objesaun.(*)

 

PUBLISIDADE

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter