"Sim, ha'u konfirma, ha'u mós ko'alia ona ho Prezidente Repúblika (PR) ne'ebé ami marka ba segunda-feira semana oin atu toma pose," PM Taur Matan Ruak hateten ba jornalista iha Palásiu Prezidensiál Bairru-pite, Tersa (17/11).

Xefe governu hakarak troka Fernando Hanjam tanba kondisaun saúde ne'ebé la permite atu kontinua servisu.

"Tanba ninia kondisaun saúde la permite atu kontinua servisu," Taur subliña.

Xefe governu ne’e esplika katak, Fernando Hanjam durante ne’e halao tratamentu iha Hospitál Nasionál GuidO Valadares (ONGV).

"Nia ba halo tratamentu iha HNGV, tanba ne'e mak nia deskansa hela," PM Taur hateten tan.

Fernando Hanjam hahú problema saúde iha momentu ne'ebé governu da-ualu aprezenta Orsamentu Jerál Estadu (OJE) tinan fiskál 2020 nian iha Parlamentu Nasionál (PN) to'o ohin loron.

Entretantu, Rui Gomes antes ne’e assume pasta nu’udár Ministru Finansas iha sétimu Governu Konstitusionál.