Login to your account

Username *
Password *
Remember Me

MNEK “Ezonera” Embaixadór TL ba Nova Zelándia 

Embaixador TL ba Nova Zelandia kaer liman ho Prezidente da Republika wainhira simu pose iha Palasiu PR iha loron 13 Agusto 2019 Embaixador TL ba Nova Zelandia kaer liman ho Prezidente da Republika wainhira simu pose iha Palasiu PR iha loron 13 Agusto 2019 Foto Midia PR

Tempotimor (Dili)- Hafoin bolu hikas Diploamata Timoroan ida ne'ebe hakna'ar a'an iha embaixada TL iha NovaZelándia iha fulan Oetobru tinan ne'e, Ministra Negósiu Estranjeiru no Koperasaun (MNEK), Adalgisa Magno haruka tan ona karta ofisiál ba Komisaun Funsaun Públika (KFP) ne’ebé husu atu integra hikas atuál embaixadór Timor-Leste (TL) ba Nova Zelándia ho naran inisial LG nu’udár funsionáriu públiku no labele kontinua knaar hanesan diplomata hodi reprezenta estadu Timor-Leste iha Nova Zelándia.

Tuir fontes konfirmadu www.tempotimor.com iha governu hateten, karta ne’e MNEK haruka duni ona ba Komisaun Funsaun Públika (KFP) atu integra hikas LG ba KFP, hanesan funsionáriu públiku.

Fontes ne'e mos haktuir, diplomata Timoroan ne'ebe reprezenta Estadu Timor Leste iha Nova Zelándia ne'e hetan alegasaun kona kazu ruma nune'e kazu refere hetan ona investigasaun husi KFP no ninia rezultadu hato'o hikas ona ba MNEK hodi deside dada hikas Diplomata ne'e mai Dili.

Kona-ba ne’e, MNEK Adalgisa Magno hateten, nia parte sei hasoru malu ho LG iha tempu badak, tanba iha asuntu balun ne'ebé presiza atu ko'alia.

"Agora LG sei iha Timor-Leste, ha’u mós iha loron balun nia laran sei hasoru nia atu ko’alia buat balun ", Adalgisa hateten lia hirak ne’e hafoin hasoru-malu ho Primeiru Ministru Taur Matan Ruak iha palásiu Governu, Tersa (17/11).

LG rasik, fila hikas mai Timor-Leste iha semana ida liu ba husi Nova Zelándia, ho objetivu atu trata asuntu importante balun, no oras ne’e kompleta ona kuarentena durante semana rua.

Iha 13 Agostu 2019, Prezidente Repúblika, Francisco Guterres Lú Olo hato’o nia konfiansa ba LG liuhusi Dekretu Prezidente Repúblika númeru 36/2019, 37/2019 no 38/2019, atu sai hanesan embaixadór iha Nova Zelándia.

LG nu’udár funsionáriu Ministériu Negósiu Estranjeiru ho tinan naruk iha karreira diplomasia.

LG lisensiadu iha Agropekuáriu iha Universidade Nasionál Timor-Lorosa’e no hasai kursu Mestradu iha Administrasaun Públika iha Australian National University (ANU).

Husi 2005-2008 indikadu nu’udar Segundu-Sekretáriu iha Embaixada Timor-Leste iha Canberra no entre 2011 no 2015 hala’o funsaun nu’udár Xefe Delegasaun Timor-Leste iha negosiasaun ho Indonézia kona-ba fronteiras terrestres.

Molok ne’e, hala’o knaar nu’udar Diretór ba Sudeste Aziátiku no Oceánia. (*)

Rate this item
(2 votes)
Last modified on Wednesday, 18 November 2020 00:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter