Login to your account

Username *
Password *
Remember Me

Horta 'Husu' Xanana-Alkatiri-Lú Olo -Taur Unidade, Reve Lei Pensaun Vitalísia

Foto hamutuk kider nasional sira iha Palasiu PR iha tinan ruma kotuk Foto hamutuk kider nasional sira iha Palasiu PR iha tinan ruma kotuk Foto Suplai

Tempotimor (Letefoho)- Premiadu Nobel da Pás José Manuel Ramos Horta husu ba líder nasionál sira hanesan Kay Rala Xanana Gusmão, Mari Alkatiri, Francisco Guterres Lú Olo, no Taur Matan Ruak atu unidade hodi halo revizaun ba Lei Pensaun Vitalísia.

Horta husu unidade atuhalo revizaun ba lei ne’e tanba konsidera durante ne’e Lei ne’e kontribui estraga osan povu nian, hodi gasta barak liu ba eis titulár sira.

Horta dehan, durante ne'e deputadu sira halo debate bobo’ot iha Parlamnetu Nasionál hodi aprova lei oioin atu fó benefísiu barak liu ba sira nia-an.

Eis Prezidente Repúblika ne’e fó hanoin katak, uluk kedas Prímeiru Ministru Taur Matan Ruak hateten ona katak, nia la konkorda ho lei pensaun vitalísia, maibé nia la konsege halo revizaun tanba iha de'it kadeira ualu iha Parlamentu Nasionál, nune’e mós Kay Rala Xanana Gusmão no Horta rasik mós uluk la konkorda ho lei ne'e rasik.

“Ha'u hanoin nune'e, ita nia Prezidente Repúblika, Prímeiru Ministru, Maun Xanana, Marí Alkatiri, sira hotu-hotu ne'ebé iha poder, tanba iha partidu forte. Devia hamutuk halo desizaun ida ba Parlamentu Nasionál, hatún pensaun vitalísia. La'ós sobu, aumenta tinan 3 mandatus,” Horta ko’alia asuntu ne’e iha ámbitu komemorasaun tinan 28 kapturasaun Kay Rala Xanana Gusmão, hamutuk ho estudante eskola Sekundária Jerál Katólika Nossa Senhora do Carmo, iha postu administrativu Letefoho, munisípiu Ermera, Sesta (20/11).

Tuir Horta, loloos, pensaun vitalísia aplika ba ema sira ne'ebé asume kna'ar durante mandatu tinan tolu tutuir malu, labele tinan ida de'it simu ona.

“Mandatu ida de'it para hetan pensaun vitalísia 100%, eipah, ne'e labele. Sé posse pelu-menus mandatu tolu, mandatu tolu, sei iha tinan 15, no hetan 75% nia vensimentu ita bele komprende”, Horta lamenta.

Nia mós preokupa kona-ba kustu ba viajen ne'ebé autoriza ba membru governu sira, funsionáriu sira ba-mai hetan osan perdiem ne'ebé demaziadu, depois viajen lubuk ida uza ba pasiar ba-mai ne'ebé hateten estudu komparativu.

“La'ós 100%, hatún perdiem sira ne'e, ko’a viajen internasionál, agora la halo, tanba Covid-19, baibain sira halo, bainhira remata sira hahú fali”, nia dehan.

Horta hatutan, bainhira osan ba pensaun vitalísia no kustu ba viajen sira hamenus ona, bele poupa osan lubuk ida atu bele tau ba nutrisaun ba labarik sira, tanba ita gasta osan milloens dolares kada tinan uza de'it ba viajen.

“Tantu, ida ne'e maka ha’u hanoin, ha’u la konkorda”, Horta espresa ninia diskordánsia. (*)

Rate this item
(0 votes)
Last modified on Saturday, 28 November 2020 00:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter