Rede Feto sei Buka Tuir Baze Legál Ezonerasaun Sekretária Jerál PN

Rede Feto hala'o Long March iha Tasi-tolu, Dili, Kuarta (25/11). Rede Feto hala'o Long March iha Tasi-tolu, Dili, Kuarta (25/11). Foto Tempo Timor

Tempotimor (Dili)- Prezidente Rede Feto Timor-Leste (TL), Yasinta Luzinha sei buka tuir baze legál no procedural ezonerasaun ba nia maluk feto Cedelizia Faria dos Santos husi kargu sekretária Jerál Parlamentu Nasionál (PN).

Nia dehan, bainhira iha prosedur ne’e maka, iha indisius ruma ne’ebé mosu diskriminasaun, Rede Feto sei hato’o ninia pozisaun.

"Sé karik iha prosesu sira ne'e mosu diskriminasaun ba inan-feton sira, ita sei haree hamutuk kestaun ida ne'e", Yasinta Luzinha hateten lia hirak ne’e hafoin partisipa Long March iha Tasi-tolu, Dili, Kuarta (25/11).

Nia rekoñese katak, instituisaun idaidak iha ninia desizaun tuir nia kompeténsia rasik, maibé Rede Feto mós iha ninia papél atu haree kona-ba labele iha diskriminasaun ba nia feto maluk sira.

"Sei haree ba kestaun prosedural ka mekanizmu balun, karik hamosu diskriminasaun, ou la tuir prosesu legál ne'ebé iha, entaun depois Rede Feto sei fó nia pontu de vista", nia promete.

Nia mós promete, sei luta maka'as ba hasa'e feto timoroan sira nia partisipasaun iha vida polítika, tanba lei permite feto bele partisipa iha kualker prosesu, liu-liu ba dezenvolvimentu nasionál.

Deklarasaun ne'e nia hato'o, relasiona ho desizaun Prezidente Parlamentu Nasionál (PPN), Aniceto Mouzinho Guterres ne'ebé deside ezonera Sekretária Parlamentu Nasionál, Cedeliza Faria dos Santos husi nia kargu iha Tersa (24/11). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks