Molok sai husi planária, deputadu Patrocino Fernandes hato'o hela mensajen katak, sira iha análiza hahú husi debate OJE 2020 to'o 2021 mosu indisiu atu gasta deit povu nian osan.
"Ho analiza ba OJE 2020 no 2021 ne'ebé nakonu ho infansidade Hodi buka estraga osan deit, maka bankada CNRT sei hamrik hodi deklara katak, hahalok ne'e laloos no kontra prinsipiu CNRT nian," deputadu ne’e deklara molok walk out husi plenaria PN, Kuarta (2/12).
"Tanba ne'e ho laran triste bankada CNRT deklara sei la involve iha tomada de desizaun OJE 2021," nia dehan.
Nia mós deklara katak, sira sei partisipa iha debate espesialidade OJE 2021 nian, maibé sira sei hili dalan nonok, atu evita la hola parte iha tomada de desizaun. (*)