Nia dehan, sei rezolve funsionariu kontaratadu nia problema, maibe lori tempu mak naruk oituan, tanba funsionariu kontratadu iha numeru ne'ebe barak.
"Asuntu ida nai deputadu levanta kona-ba funsionariu kontratadu felizmente to'o agora ami seidauk diskute, depois de kazu ida ne'ebe iha Ministeriu Edukasaun hasai tiha 70-resin, ami promete iha tinan oin mai governu sei diskute par haree medida saida mak hasai, liu-liu rezolve situasaun kontratadu sira nian", PM Taur hateten iha ninia intervensaun ba debate OJE 2021 iha PN, Kuarta (02/12).
Tuir PM, tanba numeru funsionariu kontratadu la'os oituan, tanbem balun servisu ona tempu naruk.
"Tanba ne'e, asuntu ida hau akonsella atu ministeriu ida labele trata ninian mesak, mais diak liu anivel governu tomak ", Xefe governu ne’e promete. (*)