Login to your account

Username *
Password *
Remember Me

PM Taur "Luta iha PN" Defende millaun $14 ba Ró Haksolok

PM Taur Matan Ruak iha Plenaria PN PM Taur Matan Ruak iha Plenaria PN Foto File

Tempotimor (Dili)- Primeiru Ministru (PM) Taur Matan Ruak hahú “luta” iha Parlamentu Nasionál (PN) hodi defende orsamentu millaun $14 ne’ebé Autoridade Rejiaun Administrativa Espesiál Oekusi Ambenu (RAEOA) aloka iha verba Orsamentu Jerál Estadu (OJE) 2021 ba finalizasaun ró Haksolok ne’ebé oras ne’e ninia prosesu auditoria la’o hela.

Xefe Governu ne’e deklara katak, nia parte “defende” orsamentu millaun $14 iha proposta OJE 2021 atu finaliza projetu ró haksolok.

Jenerál ne’e dehan, importante maka, orsamentu ida ne'e tenke tau tanba ezukusaun husi osan ida ne'e atu buka solusaun ba ró haksolok ne'ebé oras ne'e avaria iha Portugál.

"Ha’u hanoin osan millaun $14 ne'e tenke. Tenke tau tanba saida, investimentu ita nian ita halo ona,"Primeiru Ministru Taur Matan Ruak deklara liu husi ninia intervensaun iha diskusaun jeneralidade datoluk ba proposta Orsamentu Jerál Estadu (OJE) 2021 iha plenária PN, Kuarta (2/12).

Taur hatutan, hanesan deputadu sira, fó sai katak, orsamentu kuaze millaun $20 mak gasta ona ba ró haksolok, maibé sira mós tenke hatene katak, bainhira ita gasta osan ne'e, kompañia ne'ebé halo ró ida ne'e ninia finaseiru monu.

Tanba ne'e, nia dehan, dalan atu hadiak ida ne'e, governu iha de’it iha opsaun haat, ida maka bele husik tiha ró ne'e, maibé konsekuénsia maka TL lakon osan.

Rua maka, bele foti ró ne'e entrega fali ba kompañia seluk, atu hadi’a, tolu bele halo tiha besi aat faan tiha dalaruma nia presu rihun $500 hanesan ne'e, haat, autoridade sira bele halo fali negósiu foun oinsá buka dalan seluk halo nusa mak kapitaliza kompañia ida ne'e ho kompañia sira seluk ne'ebé iha interese atu hadi’a.

Maibe Taur hateten mós katak, infelismente responsabilidade ida ne'e sei entrega tomak ba Prezidente Autoridade RAEOA Arsénio Bano hodi lidera.

“Iha opsaun haat ne'e mak nia desidi atu kria negosiasun foun hodi hadi’a ró ne'e, entaun presiza tau osan hodi entrega ba autoridade RAEOA”, nia hatutan.

Nune’e, Xefe governu ne’e mós dehan tan, naturalmente resposabilizasaun tomak ne'e iha prezidente autoridade RAEOA ninian, tanba nia hatene kuandu nia husu osan nia hatene ne'e iha risku, mais tanbem nia hatene iha risku mak nia husu, nebe porque nia hatene katak iha dalan atu rekopera.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter