Xefe Governu hateten, hahú husi polémika moras Covid-19 to'o agora govenu konsege rezolve buat balun, liu-liu fó apoiu osan $200 no sesta bázika hodi rekopera ekonomia.

Maibé, atu hadiak liu tan ekonomiku TL maka Primeiru Ministru Taur Matan Ruak husu Parlamentu Nasionál (PN) presiza hamutuk hodi fó apoiu tan Proposta Orsamentu Jerál Estadu (OJE) 2021 ne'ebé aprezenta husi governu.

Tanba ne’e, nia dehan, husi proposta OJE 2021 oinsa mak dezenvolve no rekopera diak liu tan seitór ekonomiku iha Timor-Leste.

PM Taur ko’alia ne'e tanba nia hare katak, kuandu seitór ekonómiku TL mak hanesan ema moras todan ida karik, presiza lori ba hospital.

Alenede ne’e, nia hatutan, bainhira nia rekopera husi nia moras mós presiza lori ba deskansa no fó ai-han diak nune'e nia iha forsa atu bele la'o.

"Ekonomia hanesan mós ho ema moras. Ne'ebé orsamentu ida ne'e inportante los, liu liu atu salava ita nia resesaun ekonomia, tanba nia moras todan hela," Pimeiru Ministru (PM) Taur Matan Ruak deklara liu husi ninia intervensaun iha debate jeneralidade loron datoluk ba proposta Orsamentu Jerál Estadu (OJE) 2021 iha plenária PN, Kuarta (2/12).

Nia hateten, oras ne’e daudaun ekonomiku TL importante tebes, maibé atu rekopera ida ne'e Parlamentu Nasionál presiza tau osan, maibé bainhira deputadu sira lakohi fó apoiu, signifika sira maka hakarak hakoi ekonomia TL.

"Ne'ebe hau espera Deputadu no deputada sira husi bankada hotu-hotu bele fó apoiu ba orsamentu ida ne'e, tanba ida ne'e importante," nia dehan.(*)