"Labele ko’alia barak, tanba ita hatene saida mak Covid-19. Ita nia ai-moruk mak Estadu Emerjénsia (EE) ne'e ona," Deputada Olinda deklara hafoin partisipa diskusaun pedidu estadu emerjénsia da-ualu nian iha plenaria PN Kinta (3/12).

Nia hatutan, nasaun boboot sira to'o ohin loron seidauk bele identifika ai-moruk atu kura covid 19, sa tan Timor-Leste atu hetan ai-moruk ida ne'e.

Tanba ne'e, nia husu ba meza PN fó deputadu ko’alia oitoan hare ba vota deit ona, no la presiza mai ko’alia rebo-rebo hodi okupa fali tempu iha PN.

"Ne'ebé Primeiru Ministru ko’alia ona, diak liu ba vota de’it ona, lalaika ko’alia bar-barak tan," Olinda hateten.

Fatin hanesan Deputadu bankada Partidu Demokratiku (PD) António da Conceição deklara, husi sira nafatin mantein pozisaun hanesan babain tanba estensaun EE ida ne'e importante tebes atu prevene covid-19.

Kona-ba estensaun EE da-ualu ne'e nia deklara, governu aprezenta pedidu prinsipál sira ne'e hotu, tanba Timor-Leste hakarak diak liu prevene moras ida ne'e duke kura.(*)