Ministru ne'e dehan, timoroan sira labele ba fukit fali manu-fulun iha rai liur, maibé fila ba munisípiu hodi halo to'os no natar.

"Programa sesta bázika fanun ona ita, tanba ita hola de'it produtu lokál mós lato'o. Duké ita ba fokit manu-fulun no sai ba rai liur, diakliu ita hotu fila ba munisípiu," MAP hateten lia hirak ne’e iha edifísiu UNTL Politéknika Hera, Kinta (3/12).

Nia afirma, governu hahú mellora produtu lokál, tanba ne'e labele ba de'it liur no mai Dili, maibé di'ak liu fila-fali ba foho hodi hare fila-fali fatin ne'ebé bele fó produsaun.

"Ita tenke halai natar, halo to'os tanba governu tau hela atensaun," nia dehan.

Ministru Pedro afirma, fatin ba seitór agrikultura iha kosta sul barak mak seidauk dezenvolve.

"Fatin barak iha kosta sul ita seidauk dezenvolve, maibé fila fali ba mentalidade no konsiénsia ema nian, tanba iha kosta súl, iha ne'ebá ita so’e de'it ai-fatina kain mós moris de'it, ita labele kompara ho tasi ibun sira, iha parte kosta súl ne'e poténsia ba peskas, agrikultura, hortikultura, maibé seidauk dezenvolve ho di'ak," Pedro fó ezemplu.(*