Login to your account

Username *
Password *
Remember Me

Embaixadora Inés Almeida Apela ba Traballadór Timoroan “Labele” Sai Husi SWP

Tempotimor (Dili)- Embaixadora Timor Leste (TL) iha Austrália Inés de Almeida apela ba timoroan sira ne’ebé oras ne’e servisu iha Austrália liuhusi Programa Seasonal Worker (SWP), atu labele sai husi programa ne’e tanba ladún diak.

Embaixadora ne’e rekoñese katak, neste momentu traballadór timoroan sira barak sees aan tiha ona husi programa seasonal workers, maski no tenke kompriende situasaun sira nian, tanba iha momentu ne’ebé covid, bainhira fronteira taka, entaun tuir loloos traballadór sira ne’e tenke fila tiha ba Timor.

Maibé, nia dehan, embaixada husu atu sira labele fila tanba bainhira covid ne’e da’et ba nasaun hotu, governu Timor-Leste mós enfrenta situasaun ida ne’ebé mak vulnerável oitoan.

“Tanba, bainhira sei simu traballadór sira rihun ida resin no kuarentena iha Timor mak la iha kapasidade atu simu, entaun governu australianu mós hare ba tanba sira mós presija, nune’e, governu australianu fó tan visa, tanba sira nia visa tuir loloos mate iha fulan neen nia laran, nune’e governu australianu fó tan visa atu nune’e sira bele hela to’o tinan ida”, Embaixadora Timor Leste (TL) iha Austrália Inés de Almeida ko’alia ba www.tempotimor.com via telefónika (01/12).

Embaixadora ne’e dehan katak, problema maka, bainhira estadu sira ne’e taka no kuandu temi dehan katak, seasonal workers programe, entaun sira mai kada fulan neen no ai-fuan ne’e mós hotu ona no sira tuir loloos tenke fila ba Timor.

“Tanba aifuan hotu ona, no iha situasaun ida ne’e, entaun tenke muda sira husi estadu ida ba esatdu seluk. Tanba ne’e, ita tenke apresia governu australianu nian ne’ebé halo movimentu makaas no konsege muda duni ita nia traballadór sira pur ezemplu husi Melbourne ba fali Queensland tanba sira bele ba kuu fali aifuan iha ne’eba”, diplomata ne’e konta tuir.

Maibe, nia dehan, tanba aifuan balun seidauk tasak, no tarbaladór sira mós tenke enfrenta loron 14 iha kuarentena iha mudansa movement ne’e, hotu tiha sira mós iha presaun husi familia katak tanba saida mak imi la haruka osan mai, maski sira iha ne’e mós la simu osan.

“Komu iha kontratu ne’e bainhira ema ne’ebé sponsor ona ita ita labele hases aan, se sees aan imediatamente tenke sai ona husi programa SWP. Entaun, ita nia maluk sira ne’e iha oportunidade atu hases aan ba servisu fali iha toos seluk, nunee sira tenke uza fali temporary protection viza ne’ebé fó dalan ba sira atu halo servisu mós iha Austrália”, nia dehan tan.

Problema maka, temporary protection visa ne’e vale deit ba ema sira ne’ebé maka sira nia nasaun ne’e moris iha presaun nia laran hanesan mós ho Timor-Leste iha tempu okupasaun Indonezia, nune’e Timoroan sira latama iha kategoria, tanba TL oras ne’e la enfrenta situasaun ida ne’e, ida ne’e mak sai hanesan kestaun boot ida.

“Entratantu ha’u nu’udár embaixadora, hanesan mós xefe da misaun, ami ko’alia ho governu australianu, liuliu ho ministériu negósiu estranjeiru, hamutuk ho xefe misaun husi rai ne’ebé pasífiku tebes, ne’ebé mak lori mós seasonal workers sira mai barak, ami hare hela oinsa mak atu rezolve problem aida ne’e”, nia dehan tan.

Embaixadora ne’e mós viszita barak liu timoroan sira ne’ebé mak sees aan husi programa SWP no halo apelu bebeik ba sira katak, lalebe halo ida ne’e, maski lei fó dalan hela ba sira.

“Ha’u kompriende katak, sira nia situasaun entermus iha ne’e difisil oitoan, maibé tenke hare mós ba oin. Ha’u fó ezemplu hanesan ne’e ita nia luta lori tinan 24. Nee han tempu no presija sakrifisiu. Agora imi mai iha ne’e mós, sei iha sakrifisiu barak atu bele hetan buat ruma ne’ebé diak, tanba Austrália ita hotu hatene katak sira iha esperiénsia katak, servisu iha ne’e todan”, nia rekoñese.

Nia dehan, Ida ne’e la’ós halimar, maibé, ho pasiénsia, no ho kondisaun sei muda maibé buat ne’e tenke neineik-neineik, tenke hanoin katak, ohin ita mai aban ita tenke muda kedan situasaun, ida ne ladiak.

Depois, segundu maka, nia hatutan, sei la fó imajen diak ba Timor Leste bainhira traballadór sira komesa sees aan husi programa no toos na’in sira mós lamenta tanba iha Austrália ne’e hanesan ne’e, bainhira o mai ho kontratu, tenke tuir duni kontratu.

“Tanba, bainhira o ba kuu aifuan ka ba kee rai, buat ne’e hothotu ita tempu. Agora se sira mai mak sira sees tiha, entaun se prejudika fali toos nain sira. Tanba nee ita tenke hare hanesan parseiru katak, iha benefisiu ba Timor Leste no mos benefisiu mos ba Austrália”, nia apela. (*)

Rate this item
(2 votes)
Last modified on Saturday, 05 December 2020 12:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter