Ministru ko’alia ne'e, tanba tuir nia hare katak, temi dehan kria media iha munisipal ne'e fasil atu kria ona maibé, problema mak sustentabilidade.
"Media munisipiu, ha’u atu hateten dala ida tan, sim, ami iha diresaun ida media lokal, maibé atu estabelese media munisipal, tenke halo estudu viabilidade, halo lai estudu ho didiak atu nune'e labele entre inxokes ho atividade ne’ebé mak munisipiu sira nian," MAPKOMS hateten ba www.tempotimor.com iha PN Sábadu (5/12).
Nia haktuir, presiza halo estudu nune'e aban bainrua karik ba halo dezentralizaun iha munisipiu no munispal inklui lokal sira, idaidak la'o ho sira nian, oinsa mak kompleta malu no sustenta malu Iha futuru.
Maski nune'e,ni haktuir daudauk ne’e sira iha mós hanoin iha tinan 2021 tenke hahu halo estudu ida ne'e, halo estudu viabilidade, posibilidade atu hari duni ka lae, atu garante sustentabilidade.
"Tanba problema ne'e sustentabilidade, ita hari-hari tiha mas sustenta husi se, entaun iha politika ne’ebé klaru, nune'e bele buat hotu la'o diak," nia hateten.
Nia fo ezemplu katak, radio komunidade iha timor-leste de’it mós hotu-hotu sei hetan rendimentu mai husi MAPKOMS.(*)