Nia konsidera deklarasaun dehan osan seidauk mai TL ne'e hanesan halo 'komik' no lansa deit lia bosok ba iha publiku, tanba osan ne’e governu ezekuta hotu ona.

Branco Ko’alia ne'e tanba nia hare katak, OJE 2020 governu ezukuta tiha ona besik pursentu 100 hafoin promulga husi Prezidente Repúblika Francisco Guterres 'Lú Olo'.

"Ne'e ezukta tiha ona, agora mosu fali informasaun anitótika, informasun ida hanesan lelucon ida, karik atu menghibur, povu Timor-Leste, iha natal ida ne'e karik. Ne'e hanesan lelucon, ne'ebé ha’u hanoin media mos tenke 'hamenus ona' media nasional Timor-Leste, pais idependente tinan 20 ona, no tempu ona atu labele mosu ho isue sira ne'e," Branco hateten lia hirak ne’e iha PN, Tersa (22/12).

Iha fatin hanesan Deputada bankada CNRT Fernanda Lai lakohi fo komentariu maibe so rejista deit total orsamentu husi OJE 2020-2021, depois sei hare iha faze tuir mai.

Nia haktuir, ezekusaun osan ida ne'e sei deskuti iha tempu tuir mai, hafoin bele identifika loloas, katak ida ne'e los ka lae.

Nia mos konsidera kada deputadu bankada governu mos dalaruma la hatene kona-ba osan ne'e, tanba osan ne'e mai ka la’e, ne'e kompeténsia governadór banku sentrál nian.

"Iha kolega deputadu balun mós husu perguntas hanesan ne'e ba governadór banku sentrál, maibé governadór fó resposta la klaru," nia kestiona. (*)