Camilo : Prezensa PD Bele "Tebe-sai" Partidu Balun hosi Governu

Observador Polítika husi Uiversidade Nasionál Timor Lorosa'e (UNTL), Camilio Ximenes Almeida koalia ho www.tempotimor.com iha nia Knar fatin UNTL Kaikoli Dili, Sesta (8/01). Observador Polítika husi Uiversidade Nasionál Timor Lorosa'e (UNTL), Camilio Ximenes Almeida koalia ho www.tempotimor.com iha nia Knar fatin UNTL Kaikoli Dili, Sesta (8/01). Foto Tempo Timor

Tempotimor (Dili) - Prezensa Partidu Demokrátiku (PD) iha Palásiu Prezidensiál no Palásiu Governu hamosu posibilidade envolve iha plataforma entendimentu hodi hola parte iha VIII governu lideradu Taur Matan Ruak no bele "tebe-sai" partidu balun.

Nune'e, tuir Observadór Polítika husi Uiversidade Nasionál Timor Lorosa'e (UNTL), Camilio Ximenes Almeida konsidera ho prezensa PD iha plataforma entendimentu posibilidade bele akontese konjuntura mudansa ba polítika.

"Karik iha luz-verde, posibilidade partidu ne'ebé iha liur (opozisaun) bele tama nomoos partidu balun ne'ebé iha laran bele sai kuandu mosu dezintendementu," dehan Camilio ba www.tempotimor.com iha nia Knaar-fatin UNTL Kaikoli Dili, Sesta (8/01).

Camilio akresenta, posibilidade oitavu governu sei muda postura polítika ne'ebé bele loke espasu partidu balun bele tama hanesan PD nomoos posibilidade partidu seluk ne'ebé iha plataforma intendementu balun bele sai kuandu mosu dezintendementu iha plataforma.

Camilio akresenta posibilidade sira gitu bele akontese tanba bainbain iha polítika ne'e laiha inimigu internu maibé iha mak interese tanba ne'e laiha razaun bainhira partidu ida hola parte iha governu mak lahetan buat ruma.

Akademista ne'e mos hatutan inportante mak oinsá atu partidu polítiku sira-ne'ebé hola parte iha plataforma intendementu hametin komunikasaun atu nune'e labele mosu dezintendementu.

"Kuandu mosu dezkomunikasaun, dezintendementu sira mosu tanba ho interese, ne'e posibilidade ida tama seluk bele sai," dehan Camilio

Antes ne'e, hafoin remata sorumutu entre strutura Partidu Demokratiku ho Primeiru ministru Taur Matan Ruak iha Palásiu governu, Kuarta (6/01) Prezidente PD, Mariano Asanami Sabino deklara lori PD "fó-aan" apoia plataforma entendimentu ne'ebé forma husi Partidu Frente Revolusionária Timor Leste Independente (FRETILIIN) no Partidu Libertasaun Populár (PLP) hodi asegura povu no nasaun inklui normaliza situasaun ekonomia iha rai laran.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks