Diretór Diresaun Nasionál Empregu Exteriór (DNEE), Filomino Soares hateten, kandidatu regulár ne'ebé atu ba servisu, iha na'in 465 mak kontratu tama ona no de'it atu ba servisu iha Koreia Súl, maibé sei hasoru problema iha flyght nian inklui Covid-19.
Nia dehan, sira hamutuk na'in 465 ne'e nia kontratu tama tanba, sira liu ona iha teste lian Korreia, halo ona aplikasaun ba viza servisu nian, tanba ne'e maka sira nia kontratu ema haruka tama ona sistema.
"Entaun, ida ne'e maka ami prepara para atu sira halo aplikasaun ba servisu agora dadaun sira halo. Maibé, ita hein de'it, karik lockdown ne'e hotu karik, sira ne'e mós bele hetan oportunidade ba ona", diretór Filomino Soares hateten lia hirak ne’e iha nia kna'ar-fatin Bekora, Kinta (07/01).
Nia esplika, kontratu ne'ebé tama, diferente ho kontratu husi Austrália nian, tanba iha ne’ebá sira foti traballadór liuhusi sistema randung de'it, no kompañia sira haruka mai mai iha Ministériu Traballu Korreia Súl iha TL.
"Depois sira hanesan ba ne'e, hatama sira nia pedidu ba sistema, depois mak ida ne'ebé naran sai mai ne'e maka sira foti hodi manda, la'os hanesan sira hili ne'e," nia dehan.(*)