Print this page

MEJD sei Loke-hikas Atividade Eskolár ho 'Rigor'

By January 09, 2021 6901
Ministériu Edukasaun Juventude no Desportu (MEJD) Armindo Maia imprime hela dokumentus ruma iha momentu balun kotuk Ministériu Edukasaun Juventude no Desportu (MEJD) Armindo Maia imprime hela dokumentus ruma iha momentu balun kotuk Foto Arkivu

Tempotimor (Dili)- Ministériu Edukasaun Juventude no Desportu (MEJD) sei loke-hikas atividade eskolár ba timor laran tomak iha loron 18 fulan-janeiru.

MEJD, Armindo Maia informa, iha loron 13 fulan janeiru ne'e inísiu tinan letivu, nune'e iha loron 18 mak komesa hala'o prosesu aprendizajen.

"Kalendáriu eskolár horisehik asina tiha ona, eskola sira ein-prinsípiu loron 13 janeiru ne'e inísiu tinan letivu maibé diploma ministeriál konjuntu ne'ebé atu sai ne'e, sei bandu atividade lubuk ida, hanesan orientasaun ne'e labele ema barak, buat sira-ne'e iha ne'eba sei regula hotu," nia ko'alia hafoin reuniaun Konsellu Ministru extraordinariu iha Palásiu Governu, sesta (08/01).

Nia klarifika, iha loron 13 fulan janeiru ne'e, profesór sira sei orienta limpeza jerál no muda meza ho kadeira hodi kria distansiamentu sosiál hafoin hahú aula.

"Parese dia 18 mak komesa prosesu ensinu aprendizajen", dehan nia.

Nia esplika, atu hala'o hikas prosesu aprendizajen MEJD sei fahe ekipamentu ne'ebé halo prevensaun ba eskola sira besik iha fronteira, hanesan maskára no hand sanitizer.

"Ministériu agora atu lori maskára liuliu ba eskola sira-ne'ebé ke iha zona fronteira no iha Rejiaun Aadministrativa Espesiál Oecusse-Ambeno (RAEOA)", nia salienta. (*)

Rate this item
(0 votes)
Last modified on Saturday, 09 January 2021 09:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items