Prezidente Interinu ba Kandidatu Partidu Fitun, Salvador Tilman dehan Timoroan hirak ne’ebé oferese kartaun eleitorál ne’e nu’udar apoiante.

“Hosi Fitun nian rekolla ona kartaun eleitorál ka folla hamutuk 20650, kada munísipiu mill(1000). Kuandu verifikasaun iha notariadu ami tenke hatama kartaun eleitorál orijinál depois ba Tribunál Rekursu mak ho kópia auténtikadu,” dehan nia ba Tempotimor iha Dili, tersa (12/1.

Nia esplika, prosesu hotu iha ona Tribunál Rekursu no kandidatu partidu Fitun hein de’it hosi tribunál.

Nia dehan, oras ne’e partidu Fitun seidauk bele halo atividade polítika tanba sei hein pronunsiamentu hosi Tribunál Rekursu kona-ba partidu refere ninia ezisténsia.

Prezidente Interinu ba kandidatu Fitun ne’e realsa, tribunál sei verifika rekezitu bazeia ba lei partidu polítiku artigu 13 hafoin partidu bele hetan legalidade.

“Iha notariadu Doutór Nuno halo autentikasaun ne'e kada grupu maibé sira seluk tau de’it karimbu Tribunál esplika mai ami horisehik dehan ne’e labele, tenke asina kada folla ka kada kartaun eleitorál, kuandu legál ona ita bele atividade polítika”, dehan nia. (*)