PM Taur Orienta MOP Prepara Tenderizasaun ba Projetu Infraestrutura

Primeiru Ministru Taur Matan Ruak simu Ministru Obras Públikas (MOP), Salvador Pires iha palasiu Governu Primeiru Ministru Taur Matan Ruak simu Ministru Obras Públikas (MOP), Salvador Pires iha palasiu Governu Foto Arkivu

Tempotimor (Dili)- Primeiru Ministru (PM) Taur Matan Ruak orienta Ministru Obras Publiku (MOP) atu prepara dokumentu sira nune'e bele loke tenderizasaun ba projetu infraestrutura sira.

Ministru Obra Públika Salvador Pires hateten, daudaun ne'e hahú halo ona preparasaun no koordenasaun ba implementasaun projetu infraestrutura sira.

"Primeiru Ministru orienta katak, ami tenke halo preparativu ida di'ak antesipa tempu ho koordenasaun ho interministeriál hanesan projetu sira- ne'ebé mak iha ita tenke prepara ona nia prosesu administrativu sira hanesan verifikasaun nomoos koordenasaun hanesan projetu sira infraestrutura ne'ebé mak tenke iha prepara lori ba KAFI (Konsellu Administrasaun Fundu Infraestrutura) halo aprovasaun buat sira-ne'e, ita bele prepara ona intermu referénsia sira nune'e bele loke tenderizasaun," nia ko'alia hafoin sorumutu ho Primeiru Ministru Taur Matan Ruak, iha Palásiu Governu, segunda (18/01/21).

Nia afirma, iha tinan 2020 halo ona preparasaun balun hotu ona no balun ne'ebé seidauk sei koordena iha tempu badak.

"Ita boot sira haree iha tinan kotuk ami halo preparativu haruka dokumentu sira ba iha Ministériu Planu Ordenamentu, Ajénsia Dezenvolvimentu Nasionál halo verifikasaun balun mai ona ami loke tenderizasaun nomoos iha tempu badak sira ne'ebé sidauk iha kontinua koordena," nia relata

Governante ne'e realsa, iha projetu lubuk ida ne'ebé sei hala'o iha tinan 2021.

"Projetu sira-ne'ebé mak iha ita halo hela preparativu ministériu sira komesa hala'o fó andamentu ba projetu sira-ne'e, husi infraestrutura projetu sira ne'e ita iha kuaze 240 kilómetru estradas munisipál para ita hala'o, 300-ital projetu ne'ebe ita hala'o nomoos estrada nasionál balun halo manutensaun nomoos dezenu ne'ebe ita hala'o purvolta pakote iha 114 projetu ne'ebé mak iha fundu infraestrutura ita hala'o ba tinan ida ne'e," dehan nia.

Nia akresenta, daudaun ne'e projetu sira-ne'ebé iha balun halo mantensaun periódika ba estrada sira.

"Agora iha liña ministériu mós hanesan iha projetu sira manutensaun periódiku ka rútina ba estrada ne'ebé daudaun ne'e ami sei fó-sai hanesan tenderizasaun, hanesan Baukau, Manatuto ne'ebé fó- sai tiha ona ita hein hela iha tempu badak depois de koordenasaun ho Ministériu relevante sira seluk, ami komesa hahú fó-sai tender nune'e fó andamentu ba prosesu ita iha manan na'in ida bele ezekuta obra sira ne'e iha tempu badak, nune'e estratejikamente ita bele uza tinan fiskál ne'e tomak para halo prosesu konstrusaun sívil duke prosesu administrativu",tenik nia.

Projetu konstrusaun ida sei liu iha burokrasia ida barak, maibé tenke envolve mos prosesu sira hanesan verifikasaun ne'ebé ba iha Ministériu Planu Ordenamentu Teritoriál nomoos Ministériu Finansa ne'ebe tenke fó andamentu ba projetu ida. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks