Tanba loloos kazu ne'e entre Komisaun Polítika Nasional (CPN-CNRT) ho Sekretáriu Jerál partidu FRETILIN Mari Alkatiri.

Komunikadu ba imprensa ne'e haktuir, kazu entre Mari ho CPN-CNRT, ida ne'e individu entre sira na'in-rua nian, no suspeitu ne'ebé halo akuzasun falsu ba Alkatiri, mak tenke ba hatan iha tribunal, maibé la'ós Xanana Gusmão.

Tanba ne'e, bankada FRETILIn sujere ba Ministériu Públiku, ne'ebe nu'udar na'in ba asaun penál, bainhira iha ona prova krime prosesu ba ona Tribunál, suspeitu sira sai arguidu tenke reprezenta husi sira- nia mandatáriu, no Ministériu Públiku mak reprezenta lezadu.

"Tanba ne'e mak responsabilidade kriminal ne'e individuál no intransmisivel. sé atu hasoru malu karik iha debate polítiku públiku, la'ós atu hasoru malu fali ihá tribunal," dehan iha komunikadu imprensa iha Parlamentu Nasionál, tersa (26/1).

Bankada FRETILIN husu Xanana atu tau justisa iha nia fatin, se hakarak hasoru malu ho Mari Alkatiri, fatin iha diskusaun, maibé la'ós iha tribunál.

Kona-ba sadik hala'o diskusun polítika públiku ne'e, Bankada FRETILIN hanoin ida ne'e Mari Alkatiri mós aprezenta ba xanana kleur ona, maibé to'o agora laiha resposta.

Bankada FRETILIN apela ba sidadaun hotu, organizasaun no partidu polítiku sira, atu husik justisa hala'o nia servisa, labele intervein beibeik no politiza justisa, tenke tau polítika ho justisa iha idak-idak nia fatin.(*)