UNCDF Apoia SEKoop iha Programa Dezenvolvimentu Tekonolojia Foun

Sekretaris Estadu Kooperativa, Elizario Pereira konversa hela ho Claude Nomsi nu'udar Financial Inclusion Coordinator Programmer iha UNCDF nian iha SEKoop nia kna'ar fatin Akait, Dili, Tersa (26/1) Sekretaris Estadu Kooperativa, Elizario Pereira konversa hela ho Claude Nomsi nu'udar Financial Inclusion Coordinator Programmer iha UNCDF nian iha SEKoop nia kna'ar fatin Akait, Dili, Tersa (26/1) Foto Midia SEKoop

Tempotimor (Dili)- Organizasaun internasinál husi United Nations Capital Development Fund (UNCDF) sei koopera ho Sekretaria Estadu Kooperativa (SEKoop), iha dezenvolvimentu "novos tecnológicos" ka teknolójia foun ba funsionáriu sira nune'e hala'o servisu ho di'ak liután.

Programa fó-sai hafoin Sekretáriu Estadu Kooperativa (SEKoop), Elizário Ferreira ho Claude Nomsi nu'udar Financial Inclusion Coordinator Programme iha UNCDF nian hala'o diskusaun ida hodi bele selebra kontratu ida entre UNCDF ho SEKoop, nune'e bele dezenvolve ona programa "novos tecnologicos" ba iha dezenvolvimentu kooperativa nian.

Elizário esplika, iha programa rua mak sei oferese husi UNCDF mak hanesan, programa dezenvolvimentu téknolójiku foun nian ho formasaun no estudu komparativu.

"Dezenvolvimentu téknolójiku ne'e maka ami ko'alia kona-ba oinsá mak atu-bele iha data server ida iha Timor uza hanesan kór ka bandeira kooperativa nian hodi serví membru kooperativa sira ho di'ak", dehan SEKoop, Elizário Ferreira ba jornalísta sira iha Akait, tersa (26/01).

Nia dehan, atu membru sira utiliza didi'ak data server ne'e, presiza liuhusi formasaun sira hanesan halo operasaun no manutensaun, inklui mós oinsá kontrola no utiliza ho di'ak.

"Entaun, tenke idak-idak iha ninia nível no balu oinsá mak atu-bele halo programa interligasaun entre kooperativa ida ho seluk, atu nune'e dezenvolvimentu kooperativa ne'e bele la'o di'ak liután tuir sistema integradu," dehan nia.

Entretantu, kona-ba bainhira mak atu hahú kooperasaun ne'e, nia dehan, parte SEKoop tenke revé fila-fali proposta sira-ne'ebé antes halo ona.

Nia espera iha fulan marsu 2021 bele tama ona implementasaun.

"Ami halo diskusaun ne'e la'o di'ak ona, iha tempu besik sei implementa liuhusi akordu ruma atu-bele buka solusaun ba atendimentu kooperativa nian ba membru sira. Ida ne'e mak objetivu prinsipál", nia hakotu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks