Hafoin fo sai rezultadu aprovasaun estensaun ba EE dala-sanuluk ne'e, Prezidente parlamentu nasional (PPN) Aniceto Guteres mós husu ba Prezidente Republika (PR) Francisco Guterres Lu-Olo atu deklara tan EE dala-sanulu, hahú iha loron 2 fulan fevereiru, oras (00:00), no remata iha loron 3 fulan marsu oras (00:00).

"Ho nune'e rezultadu votasaun afavor 50 kontra 0 abstesaun 6,"deklara Prezidente Parlamentu Nasional Aniceto Guteres iha plenariu Parlamentu Nasional (PN), kuarta (27/01/21).

Entretantu deputadu ne'ebé partisipa hodi fo apresiasaun ba aprovasaun estadu emerjensia dala-sanulu ne'e, deputadu hamutuk 56, no deputadu 9 falta.

Iha prosesu, aprovasaun ba renovasaun EE, deputadu bankada KHUNTO, Luis Roberto ejizi ba governu atu kontinua distribui sesta bazika ba populasaun ne'ebe seidauk asesu.

"Iha munisipiu balun, populasaun sira sente lamenta, tanba sira hare sesta bazika ne'e, sira nia maluk balun simu, besik han hotu tan tiha ona mais sira iha ne'eba seidauk hetan hela de'it,"Deputadu Luis Roberto deklara iha plenaria deskusaun renovasaun Estadu emerjensia dala-sanulu. (*)