Ministru Francisco Martins Jerónimo, esplika programa dijitalizasaun ne'e ko'alia ona ba Primeiru Ministru (PM), no Primeiru Ministru konkorda ona atu halo lansamentu.

"Iha fulan-fevereiru tenke halo ona lansamentu ida kona-ba dijitalizasaun RTTL-EP ne'ebé hahú atu fó informasaun ba públiku liuhusi kanál dijitál. Levantamentu ne'ebé hala'o iha Loes ne'ebá ne'e, objetivu atu sai fatin pilotu hodi halo lansamentu, tanba ko'alia ona ho Primeiru Ministru no Primeiru Ministru konkorda no hakarak lansamentu ne'e iha área rurál, entaun ba tau iha Loes," dehan Ministru Francisco Jerónimo ba www.tempotimor.com iha gabinete MAPKOMS, Palásiu Governu, sesta (29/1).

Ho levantamentu ne'ebé dadaunnekipa MAPKOMS rekolla, nia fiar katak, iha fulan fevereiru, prosesu hotu bele finaliza ona, nune'e bele halo lansamentu.

Nia alerta bainhira programa ne'e lansa ona iha Loes, entaun tenke fó mós transmisaun ba iha área sira seluk atubele asesu.

"Maibé, iha mos hanoin husi ami hotu katak, lansamentu ne'e orsida lansa iha ne'ebá, maibe nia mos tenke fó mós transmisaun ba iha área sira seluk, ne'ebé mak hanesan iha Metinara, Ermera nian iha Railaco, iha Aileu nian iha Laulara, iha Bobonaru nian iha Kailaku. Pelumenus iha-ne'ebaá mós iha pontu balun importante, iha lansamentu, atubele haree katak, lansamentu ne'e bele abranja mós ba iha fatin seluk," dehan nia.(*)