Nia konta tuir, iha semana hirak ikus, populasaun sira husi área Ailok-laran munisípiu Dili, tenke tuur iha nakukun tanba difikulta husi ahi ne'ebé mate lakan.
Tanba ne'e, nu'udar rerezentante povu, Olinda sente moe tanba loron-loron deputadu sira mai iha ne'e maka hato'o hela de'it kestaun eletrisidade,
"Ita-nia maluk, populasaun sira iha Ailok-laran, kuaze semana hira, sira-nia ahi mate hela de'it, atu lakan de'it minutu ida rua mos laiha, mate totál hanesan ne'e, EDTL sira halo ita deputadu sira mak moe fali," dehan nia iha plenária PN, tersa (2/2).
Nia mos lamenta, kada loron deputadu sira levanta eletrisidade, estrada, edukasaun, saude no saláriu, maibé governu la interese.
"hanesan halo ita deputadu sira mak moe fali," dehan nia.
Nia haktuir, loloos deputadu iha parlamentu mak nu'udar tilun ibun ba povu tomak, hodi reprezenta sira-nia preokupasaun ba governu, maibé konfuzaun governu ladún preokupa.
"Sira kuandu hato'o preokupasaun ruma mai ita, ita hato'o maibé ami deputadu sira hato'o kuitadu, governu la interese, tanba saida,"nia preokupa.(*)