Ministra Saude Odete Maria Freitas Belo haktuir, audensia ho komisaun F ida ne'e atu deskuti proposta lei ne'ebe governu liu-husi Ministeriu Saude submete ba Parlamentu Nasional iha fulan julhu 2020.

Durante iha deskusaun, Governante ne'e simu preokupasaun no duvidas sira husi Komisaun F relasiona kestaun redasaun.

Maibe, Ministra Odete mos fundamenta ba komisaun F, normalmente kestaun ida ne'e akontese tanba proposta lei ne'e governu halo iha tempu emrjensia nia laran.

"Tanba iha tempu ne'eba iha redasaun balun maka ho ansia, tempu emerjensia nian ita halo, ami hanoin dehan presiza fo tempu ba governu hadia fila fali redasaun balun,"dehan nia iha parlamentu nasional, kinta (4/2).

Nia haktuir husi proposta lei ne'ebe iha, ne'e atu koalia liu ba vizilansia sanitária, ho vizilansia epedemilojika nian. artigu ne'ebe sira deskuti barak liu ne'e mak kona-bá konfinamentu nomos iha artigu ne'ebe mak koalia kona-bá vasina, imunizasaun.

"iha vizilansia sanitaria ne'e ita hare liu ba iha, oinsa mak halo prevensaun, se ita koalia kona-ba dezeinfekta sasan, fase liman, ne'e sira ne'e ita koalia barak liu ba iha autoridade vizilansia no sanitaria ninian, Se koalia kona-ba vizilansia epedimilojiku entaun ita hare liu ba kazu sira,"dehan nia.(*)