Login to your account

Username *
Password *
Remember Me

CNRT Duun Governu Monta DJ Laiha Kapasidade Prezudika Pagamentu

Deputada Carmelita Lita Moniz Deputada Carmelita Lita Moniz Foto Arkivu

Tempotimor (Dili)-- Bankada Opozisaun Congresso Nacional de Reconstrução de Timorense (CNRT), Deputada Carmelita Caetano Monis konsidera pagamentu saláriu ba servidór estadu no ba kompañia sira to'o ohin loron mosu hamosu polemika ba ema barak, tanba difikulta husi desizaun Governu nian ne'ebé troka diretór jerál sira arbiru no laiha kapasidade.

Nia haktuir, osan atu halo pagamentu saláriu ne'e iha no la'ós laiha, tanba orsamentu 2021 aprovadu no promulgadu tiha ona iha dezembru.

Tanba tuir loloos problema ne'e labele mosu tanba Governu hatete liuhusi Ministru Finansa iha Parlamentu Nasionál, katak governu sei iha hela osan kuaze millaun $300 itál, entaun laiha nesesidade atu hatuun fundu petrolíferu, maibé realidade ema halerik iha ne'ebe-ne'ebe.

Deputada Bankada Opozisaun ne'e husu ba governu, se governu dehan osan sei iha tanba saida mak la selu mákina estadu inklui kompaña hirak ne'ebé distribui cesta bázika.

"Cesta Bázika la selu, osan ba ferik no katuas nian, sira selu de'it, balun mak sira selu kompletu, balun selu de'it fulan rua, husi fulan neen ne'e sira selu de'it fulan rua, $18 dolar sira simu de'it $60 dolar, ko'a tán $2 dolar," dehan nia ba www.tempotimor.com iha Parlamentu Nasionál, segunda (8/2).

Nia lamenta tanba saláriu désime terseiru mós governu la selu, médiku, profisionál saude sira nia subsidiu ba COVID-19 mós la simu, at liután mak PNTL no F-FDTL sira-nia subsïdiu haan hemu nia la selu.

"Janeiru to'o agora seidauk simu, la hatene bainhira mak sira bele simu," deputada ne'e preokupa.

Nia la hatene, loloos ne'e saida mak akontese ba governu ida ne'e, laiha kapasidade atu ezukuta osan ka, tanba muda ema tun sa'e troka ema tun sa'e, troka sistema, ne'e mak sai hanesan ne'e.

"Ne'ebe iha pergunta rua mai ha'u nu'udar deputada, primeiru saida mak difikulta governu ida-ne'e atu ezukuta orsamentu, atu selu dívida sira-ne'ebé governu halo ba ema ne'e ka tanba troka xefia sira tama ba pecat ema arbiru, entaun ba fali ema foun ne'ebé ke laiha esperiénsia susar atu hala'o servisu, segundu mak muda sistema, mak ema la perparadu atu implementa sistema mak situasaun hanesan ne'e," dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter