Login to your account

Username *
Password *
Remember Me

Subsídiu ba Eis-Prizoneiru, MJ 'Xoke' Vise PM Armanda Iha PG

Vise-Primeira Ministra no Ministra Solidariedade Sosiál no Inkluzaun, Armanda Berta dos Santos ho Ministru Justica Manuel Carceres  troka hela akta ne'ebe hafoin asina akordu entre MSSI ho MJ iha Dili, iha Segunda (8/2) Vise-Primeira Ministra no Ministra Solidariedade Sosiál no Inkluzaun, Armanda Berta dos Santos ho Ministru Justica Manuel Carceres troka hela akta ne'ebe hafoin asina akordu entre MSSI ho MJ iha Dili, iha Segunda (8/2) Foto Suplai

Tempotimor (Dili)-Segunda semana ne'e Vise Primeira Ministra no Ministra Solidariedade Sosiál no Inkluzaun (MSSI) Armanda Berta do Santos no Ministru Justisa (MJ) Manuel Carçeres asina akordu ida hodi apoiu subsídiu ba eis prizoneiru sira, maibé MJ rejeita kedas subsídiu ne'e iha Palásiu Governu.

Tuir MJ, akordu ne'ebé MJ ho MSSI selebra ne'e, kona-ba ‘Apoiu Reinsersaun Sosiál ba Rekluzu’ la'ós subsídiu.

Ho lian maka'as Cárceres dehan, prosesu refere halo bai-bain, fó formasaun, muda eis-prizoneiru sira-nia mentalidade para bainhira hetan liberdade komunidade bele simu fali sira liu-liu vítima ho nia família sira.

"Ida koalia subsídiu ne'e nia (Armanda) mak atu fó nia osan ga? Ministru nunka ko'alia atu fó subsídiu ba eis-prizoneiru," dehan Cárceres iha Palásiu Governu, Kuarta (10/2).

Governante ne'e afirma liután katak, seidauk deklara ka iha hanoin atu halo programa subsídiu ba eis-prizoneiru sira, tamba hakarak fó subsídiu ba eis-prizoneiru sira, di'ak liu fó ba vítima sira.

"Ministru da Justisa nunka temi programa ida atu fó subsídiu osan ba eis-prizoneiru (António ka Maria ) fó ba sira di'ak liu fó ba vítima sira ne'e," hakotu Nia.

Maske MJ rezeita, maibé Ministra Soliedariedade Sosiál no Inkluzaun Armanda deklara kedas iha selebrasaun akordu husi instituisaun rua ne'e katak, akordu refere atu fó subsídiu ba eis prizoneiru sira.

“MSSI sei fó apoiu subsídiu ruma (ba dadur sira) hodi bele hala’o sira-nia moris loro-loron no bele hadi’a sira-nia vida ekonomia nian,” dehan Ministra Armanda iha (8/2) hafoin asina tiha akordu Ministru Justisa Manuel Cárceres, iha edifísiu MSSI Kaikoli, Dili.

Armanda esplika tán, liuhusi akordu ne’e MSSI mós sei fasilita família sira atu ba vizita dadur no fasilita mós dadur sira atu re-integra ba família wainhira kumpri ona pena iha prizaun.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter