Login to your account

Username *
Password *
Remember Me

Ko'a Osan 7%, CNRT: "Orsamentu Bazeia ba Programa Ne'e Tebes ka Bosok"

Tempotimor (Dili)- Bankada Congresso de Reconstrução de Timorensse (CNRT) preokupa ho Orsamentu Jerál Estadu (OJE) 2021 ne'ebé ho baze orsamentu kada programa tanba derrepende deside ko'a fali 7% hodi reforsa implementasaun programa cesta bázika.

Deputada Bankada CNRT Maria Fernanda Lay, dezafia polítika governu ida ne'e tanba osan 2021 ba cesta bázika ne'e Parlamentu Nasionál aprova tiha ona no fó governu atu ezukuta mais la'os ba ko'a fali osan husi ministériu sira.

"Ha'u bele hatete nune'e, tuir sistema ne'e taka tiha ona iha 15 dezembru, sira estende tán, kompromisu ho obrigasaun até fevereiru 2021, ne'e tuir lei. Agora sé mai ho polítika ida hanesan ne'e ha'u hakfodak, ita-nia polítika ida orsamentu por programa ne'e loos ka mai bosok de'it parlamentu," dehan nia iha Parlamentu Nasionál, kuarta (10/2).

Nia hatutan, bankada CNRT mos deteta orsamentu millaun $123 governu aloka ba rekuperasaun ekonómika no levantamentu millaun $114 inklui mos millaun $70 ne'e, sira altera tiha lei para rekuperasaun ekonomika bele klaru iha-ne'ebá.

Maibé millaun $114 ne'ebé aprova iha 2020 governu la uza.

"Ami konfirma iha-ne'e iha konta jerál estadu iha 2021, Ministra Sara iha momentu ne'ebá katak osan seidauk foti, agora ho razaun osan sei barak, ministru ba halo tranférensia 7% kada ministeriu, ne'e ha'u hatete ke bele waoooo, tanbasá ne'e asuntu ke opozisaun sei kestiona, iha kontas no nia labele viola lei, bainhira Parlamentu Nasionál aprova ona ami sei buka-tuir," dehan nia.

Nia hakfodak tanba governu mai ho polítika orsamentu por programa, maibe polítika foun agora atu ko'a tan fali orsamentu ministériu.

Nia husu Ministru Finansa tenke klareza, labele nia hanoin mesak ba ko'a de'it kategória saláriu no vensimentu, kapitál dezenvolvimentu, kapitál menór, bens servisu no transferénsia públika.

"Ha'u pergunta ba ministru finansa, ha'u espera katak nia sei mai hato'o mai ami iha ne'e, primeiru ami hatene katak saldo ne'ebe tranzita husi 2020 ba 2021 ne'e boot, mesmu governu iha momentu ne'ebá hatudu orsamentu dehan presiza," dehan nia.

Nune'e CNRT mos nota orsamentu 2020 ne'ebe governu ezekuta iha fulan rua de'it.

Nia husu Unidade Planeamentu, Monitorizasaun no Avaliasaun (UPMA) atu fó esplikasun kona-ba asuntu ida ne'e, tanba dívia hanoin katak ko'a 7% p ne'e liuhosi orsamentu retifikativu, tanba Parlamentu Nasionál aprova OJE 2021 bazeia orsamentu kada programa no kada dotasaun orsamentál.

"Ne'ebé sé atu hamenus ka hasa'e tenke liuhusi orsamentu retifikativu no labele ko'a fali ministériu sira-nia osan," dehan nia.

Iha fatin hanesan deputadu bankada PD Mariano Assanami dúvida ho planu governu, la halo levantamentu ba orsamentu jeral eatadu (OJE) 2021.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter