Deputada Olinda Koko 'Sobu' KRDTL, Ezije Taka Tempo Timor

Tempotimor (Dili)-Xefe Bankada Kmanek Haburas Unidade Nasional Timor Oan (KHUNTO), Deputada Olinda Guteres halo esforsu namanas atu sobu Konstituisaun Repúblika Demokratiku Timor-Leste (KRDTL) artigu 40 no 41 ne'ebé garante kona-ba liberdade espresaun.

Deputada ne'e, 'haluha' lee KRDTL hodi eziji ba parte kompetente atu taka tiha media online Tempotimor.

Maske, deputada ne'e rasik hatene hela atu taka media online www.tempotimor.com, maibe media online refere nia ezistensia iha Timor-Leste tuir lei komunikasaun sosial numeru 5/2014 fulan novembru no mos KRDTL artigu 40 no 41.

Deputada olinda nia ejizensia atu taka media online ne'e la'os tanba buat seluk, maibe tanba de'it ho intensaun aas lakohi deputadu sira nia naran foer tan iha futuru.

Deputada olinda hatete, durante ne'e, media tempo timor sempre hakerek nutisia no halo publikasaun, wainhira situasaun iha PN la'o namanas hela.

Tanba ne'e, nia ejize ba parte relavante sira atu ingnora diretu media tempo timor nian.

"Tempo Timor, Diak Liu taka tiha,"dehan nia iha plenariu parlamentu nasional, tersa (16/02/21).

Nia haktuir, babain wainhira deputadu sira koalia xoke malu iha parlamentu nasional, media tempo timor sempre aproveita situasaun ne'e hodi fo sai informasaun ba publiku.

Garantia ba ezistensia media nian iha Konstituisaun Repúblika Demokratiku Timor-Leste (KRDTL) 40 ne'ebé ko'alia kona-ba (Liberdade ko'alia no informasaun ninian). Ema hotu-hotu iha direitu ba liberdade ko'alia nian no direitu atu hetan informasaun ruma, no tan informasaun loloos nian.

Artigu 41, (Liberdade imprensa no komunikasaun sosial ninian). Iha garantia ba liberdade imprensa nian no ba meius seluk tan kona-ba komunikasaun sosial.

Halo parte liberdade imprensa nian, liberdade ko'alia nian no hamoris/hakiak jornalista sira, asesu ba fontes kona-ba informasaun, liberdade editorial, protesaun ba independensia no ba segredu profisional no mos direitu atu halo jornal, publikasaun ninian no meius difuzaun selu-seluk tan.

Labele permite monopoliu kona-ba meiu komunikasaun sosial sira. Estadu hametin liberdade no independensia ba orgaun publiku kona-ba komunikasaun sosial, husi poder politiku no poder ekonomiku.

Estadu hametin ezistensia ba servisu publiku ida ba radiu no televizaun, ne'ebé senti livre, haree mos ba objetivu seluk, hanesan protesaun no divulgasaun kona-ba kultura no tradisaun Repúblika Demokratika Timor-Leste nian, no fo garantia ba ema ida-idak atu hateten nia hanoin rasik.

Estasaun emisora ba radiufuzaun no radiu televizaun nian bele hala'o de'it ho lisensa tuir lei haruka. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter