"Ida-ne'e mak hanesan ohin ha'u dehan, agora depende ba sira, tanba ne'e maka ohin ha'u husu, kuandu ba mak imi sa'e aviaun mak ema hatun iha-ne'ebá ne'e, ami mak sala ka, imi mak sala", dehan SEFOPE, Alarico de Rosário iha Kaikoli, tersa (23/02).
Nia dehan, governu liuhusi SEFOPE nia servisu maka atu fasilita de'it prosesu sira oinsá atu haruka traballadór ba servisu iha nasaun li'ur, maibé asuntu kona-ba trata dokumentu ne'e responsabilidade individuál.
Nia fó ezemplu dokumentus ne'e Governu la hatene tanba Governu só fasilita de'it ba servisu iha Australia.
Nia hatutan, traballadór sira-nia rezultadu teste médiku nian, la'os trata iha Timor-Leste maibé iha nasaun liur, husi ajénsia sira mak manda tezultadu mai SEFOPE.
"Buat ida medical test ne'e, halo iha-ne'ebá, tanba ne'e husu de'it ba alin sira ba ne'e, karik dokumentu ruma mate, sira tenke trata," dehan nia.(*)