Nune'e MAPKomS iha ona planu fo públisidade ruma ba midia sira hodi bele fasilita sira nia serbísu.
"Ida ne'e mak ami halo no la'ós só para vizita de'it, maibé atu haree problema ne'ebé mak média sira hasoru", dehan Ministru Francisco Jerónimo iha knaar fatin, Segunda (1/3).
Tuir nia, durante ne'e, la'ós ba vizita de'it média sira, maibé haree kondisoins ne'ebé atu bele kria, nune'e fo solusaun ba problema sira durante média infrenta.
"Agora programa atu hanusa mak bele garantia média sira ne'e hotu ninia funsionamentu di'ak, la'os dehan katak atu fahe osan la'e, ami hakarak atu haree katak presiza iha programa ne'ebé mak fo atu eleva kualidade jornalista sira nian", nia esplika.
Eleva kualidade jornálista sira nian, MAPKomS mós serbísu hamutuk ho CEFTEC atu halo formasaun kona-bá oinsa atu hatene iha area lian no hakerek.
Antes ne'e, iha tinan 2020, MAPKomS hala'o vizita ba kada média iha Dili laran atu haree kondisoins no problema ne'ebé sira hasoru. (*)