Alarico akresenta, governu Timor-Leste la orienta traballadór Timoroan iha Korea atu halai ilegál tanba antes arranka traballadór sira halo deklarasaun atu kumpri regra.
“Sira-ne'e atu estraga de’it ita-nia diplomatika servisu hamutuk Korea ho Timor-Leste," dehan Alarico do Rosário iha nia kna’ar-fatin, Kaikoli, Dili, kinta (04/03).
Governante ne’e hatete, ba oin governu Korea servisu hamutuk ho Timor-Leste atu trata asuntu traballadór ilegal ne'ebé sei iha Korea hodi deporta hikas mai Timor-Leste.
“Kaer kona deportasi mai Timor no sira mós sei la ba tán Korea,” dehan Alarico.
Antes ne'e iha ona traballadór ilegál hamutuk na’in-61 mak deporta ona mai Timor-Leste no daudaun ne'e sei hela traballadór 400-resin mak sei iha Korea.(*)