Kim-Jheong-Ho ko’alia kestaun ne’e hafoin sorumutu ho Sekretáriu Estadu Formasaun Profesional no empregu (Sefope), Alarico do Rosário hodi rezolve problema haruka traballadór ba Korea.

Kim esplika, bainhira traballadór timoroan mak ilegál barak nafatin iha Korea sei impaktu ba kouta Timor-Leste nian atu ba servisu iha Korea.

“Ninia influénsia ka impaktu mak bainhira traballadór ilegál barak iha Korea ne'e sei afeta ba kuota ne'ebé mak Timor-Leste iha, traballadór ilegál barak entaun posibilidade bele tún," dehan Kim iha edifísiu SEFOPE, Kaikoli, Dili, kinta (04/03).

Tuir dadus hosi governu Korea iha katak, totál traballadór ilegál ne'ebé iha Korea hamutuk na’in-400, ne'ebé mak na’in-61 fila ona Timor-Leste no restu sei iha Korea.

“Agora aviaun laiha, tamba korona entaun paradu, ami mós ko’alia ona oinsá atu haree fali traballadór ilegál sira, voluntáriu atu repatria haruka fila mai iha Timor-Leste,” dehan Kim

Entertantu iha kategoria traballadór rua hanesan retarning katak sira ne'ebé servisu ona iha Korea sei bele haruka fila ba no kandidatu traballadór foun.

Hosi traballadór retarning sira ne'ebé mak atu haruka fila ba mak hamutuk na’in-49 ne'ebé hein aviaun ba de’it no sira ne'ebé foun hamutuk na’in-400 itál mak iha ona kontratu (*)