Login to your account

Username *
Password *
Remember Me

Orientasaun Kaptura Sidadaun Arnaldo, CNRT Deskonfia VMI Privatiza Instituisaun PNTL

Tempotimor (Dili)- Bankada Congresso Nacionál de Reconstrução de Timorense (CNRT) iha Parlamentu Nasional (PN) deskonfia Vise Ministru Interior (VMI), Antonio Armindo, privatiza institusaun Polísia Nasional Timor-Leste (PNTL), tanba kaptura sidadaun Arnaldo Mendes Ribeiro iha rezidénsia Manleuana, bazeia ba orientasaun husi Jose Naimori Bucar.

Deputadu Bankada CNRT, Gabriel Soares hatete, hahalok VMI orienta PNTL iha tuku 9 kalan oras Timor-Leste, hodi kaptura no lori Arnaldo ba tuir investigasaun, tanba iha problemaho Naimori iha rezidénsia Manleuana.

“Hahalok VMI António Armindo ne’ebé halo abuzu de podér no privatiza instituisaun PNTL ba interese privadu no grupu partidaria nian, hatudu katak Timor-Leste la’ós ona estadu direitu demokrátiku, katak lei laiha ona valor, maibé indivídu nia orden maka sai fali lei. Ida ne’e hatudu katak, rejime anti-demokrasia no anti lei no orden maka oras ne’e hahú hari’i ona aliserse atu buras ba oin”, afirma dehan nia liuhusi dekalrasaun polítika iha plenária PN, segunda (08/03).

Gabriel haktuir, hahalok ne’e halo ta’uk povu ki’ik, no fó hanoin fali trauma ba povu hanesan iha tempu okupasaun nian, tanba polísia no militár mai buka kaer povu iha tempu kalan.

Ho ida ne'e CNRT koondena hahalok Membru Governu nian lolos labele lori Instituisaun estadu hanehan povu, tanba povu mak na’in loloos ba estadu.

"Bankada CNRT lamenta no koondena hahalok VMI ne’ebé kumpre fali orden husi ema sivíl ida hanesan José Bucar Naimori, tanba de’it iha kestaun privadu ho sidadaun ida kona-ba odamatan”, nia kestiona.

Tanba, ema sivíl laiha diretu atu fó fali orden ba VMI hodi uza instituisaun estadu nian kaptura sidadaun iha tempu kalan tanba de’it iha disputa ho sidadaun sira seluk.

"Sr. José Bucar Naimori mós sidadaun baibain ida, karik nia iha problema ka disputa ho sidadaun seluk, tenke mós la’o tuir prosesu normal ne’ebé aplika ba sidadaun sira seluk”, nia afirma.

Ho hahalok Vise Ministru Interior ne’e viola ona prosedimentu balun ne'ebé vigora iha kodigu prosesu penal.

Bazeia preokupasaun ne’e, Bankada CNRT eziji ba governu atu foti asaun imediata hodi ezonera Vise Ministru Interior, António Armindo ne’ebé hakat liu kompeténsia Tribunal nian hodi ilegalmente kaptura sidadaun ida sein iha mandadu husi Juiz, no uza PNTL halo kapturasaun ba povu ki’ik.

Nune’e mós halakon kargu VMI, kompeténsia tomak ba asuntu interior kabe hotu ba Ministru Interior nia responsabilidade, no lori VMI hodi submete ba prosesu investigasaun atu ilegál ne’ebé nia komete. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter