Maske, governu deside halo Serka sanitária no confinamentu obrigatório iha munisípiu Dili, durante loron hitu hahú husi 00:00 oras Timor-Leste loron 15 fulan-marsu to’o 23:59 oras Timor-Leste loron 15 fulan-marsu ne’e, posilidade bele liután loron hitu

Liuhusi analisa ne’ebé apresenta husi Sala Situasaun Sentru Integradu Jestaun ba Krize, kona-ba pontu situasaun SARS-CoV-2 iha rai laran tanba iha situasaun transmisaun komunitaria.

Tuir observasaun www.tempotimor.com iha terenu nota katak, atividade negósiu loja, benkel, restaurante balun taka no balun kontinua loke, no transporte públiku barak la halo movimentasaun, maibé transporte privadu sira maioria la’o normal.

Jerente loja ida iha área audian Ano katak, sira kontinua loke atividade negósiu, tanba kada fulan selu taxa no laiha autoridade ne’ebé bandu.

"Loja iha ne'e barak mak loke, maibé kontinua tau be ba ema sira sosa sasán atu fase liman, loke nafatin tanba kada fulan selu taxa, sé la loke de'it loron ida-rua ami rugi", dehan nia iha audian, tersa (09/03).

Iha mós na'in bá loja ida iha parte Hudi-laran hatete, sei loke loja, tanba iha Dili laran barak mak loke no halo movimentasaun.

"Loja sira iha sorin sei loke, entaun ami mós loke, sé taka taun iha Dili laran ne'e taka hotu dala ida", nia dehan. (*)