Tuir formuláriu ne'ebé tempotimor asesu iha loron 12 Fulan Marsu tinan 2021, katak, estudante sira ne'ebé hela iha Kost sei hetan subsidiu husi governu.
Formuláriu ne'ebé estudante sira hela Kost iha Dili maka, estudante sei priense naran kompletu, mane ou feto, E-mail, lokalizasaun fatin Kost, Aldeia, Suku, no Postu-administrativu.
Dadaun hela iha Dili, ou Munisípiu seluk, tinan hahú tama iha ensinu superior. Husi ensinu superior ne'ebé, fakuldade, departamentu.
Informasaun kona-bá estudante nia família hela iha Aldeia, Suku, Postu-administrativu, no Munisípiu ne'ebé.
Antes, submete bá Ministériu Ensinu Superior Siénsia no Kultura (MESKK) tenki asinatura husi estudante ne'ebé priense ona formuláriu refere.
Furmulariu ne'e, tuir despaixu Diresaun Jerál Ensinu Superior no Siénsia (DGSC), Ministériu Ensinu Superior Siénsia no Kultura (MESSK) ho númeru referensia 75 /DGESC/MESCC/Ill/2021.
Hato'o ba magnifiku/a Reitór/a prezidente ensinu superior Timor-Leste ho asuntu atu levanta dadus ba estudante sira ne'ebé iha Munisípiu Dili hela Kost hodi hetan apoiu husi Ministériu Solidaridade Sosiál no Inkluzaun (MSSI).
Despaixu hasai husi diresaun Ministériu Ensinu Superior Siénsia no Kultura (MESSK) iha loron 12 fulan Marsu tinan 2021, no hetan asinatura husi Diretóra Jerál Ensinu Superior no Siénsia, Maria Filomena Guterres.
Nune'e, formuláriu refere estudante sira bele priense, no manda liu-husi E-mail, This email address is being protected from spambots. You need JavaScript enabled to view it. ou This email address is being protected from spambots. You need JavaScript enabled to view it..
Apoiu ne'ebé governu atu fó apoiu ba estudante sira ne'ebé hela iha Kost ne'e, bazeia ba rezolusaun governu nian ho númeru 12/2021, loron 08 Fulan Marsu, ne'ebé impoin aplika serka sánitaria iha Munisípiu Dili. (*)