Tuir Diretór Saúde munisípiu Bobonaru João Baptista Mau Cardoso katak, ambulánsia multi funsaun ne'ebé husi nasionál distribui ba munisípiu sira, kada munisípiu hetan rua, maibé Bobonaru foin hetan ida. Entaun parte saúde munisípiu Bobonaru nian entrega ona ba postu saúde Atabae hodi halo servisu.
“Kareta ambulánsia multifunsaun ida agora iha postu saúde Atabae nia kondiaaun aat ona, Tanba ne'e ita rodajen ona kareta foun ne'e semana ida ona, entaun ohin ita entrega ba postu saúde Atabae hodi hala'o nia servisu," dehan Diretór SMB hafoin entrega kareta ne'e ba postu saúde Atabae, Segunda (15/03).
Nia hatutan, husi logistika nasionál halo ona identifikasaun katak kareta ambulánsia tuan tolu ne'ebé sei rezerva iha Bobonaru, entaun dadaun ne'e postu saúde Balibo mak seidauk iha kareta, entaun sei dezaraska nonuza nafatin ambulánsia tuan ne'ebé iha hodi halo servisu.
Diretór ne'e salienta, bainhira atu entrega kareta ba postu saúde Atabae, parte munísipu fó ona treinamentu ba motorista, tanba kareta refere hola parte iha avansu kronolójia.
"Hanesan bai-bain molok atu eatrega kareta ne'e, tanba ita haree katak kareta ne'e ho nia teknolójia foun ituan, entaun konduktór hetan treinamemtu oituan oras ida ka rua, entaun sira ne’ebé hetan ona treinamemtu iha nasionál tenke fó breefing ba kondutór ne'e relasiona ho sasan iha laran. Depois ita mós fó hanoin katak governu iha osan limitadu hodi sosa ambulánsia foun mai ita, entaun konduz ho kuidadu no responsabililidade, nune'e bele dura ba tempu naruk," katak Nia.(*)