Tanba ne’e, sidadaun hothotu presiza la’o tuir regra sira ne’ebé governu tau ona ba prevensaun Covid-19 iha rai laran, tanba dadaun ne’e númeru kazu pozitivu kontinua sa’e kada loron.
"Kalma ne'e importante loos, kalma atu hothotu bele, tanba ita haree ba mai buat ne'e fasil liu, tanba moras ne'e fokus liuba ita-nia komportamentu”, dehan Taur hafoin enkontru ho Prezidente Repúblika (PR), Francisco Guterres ‘Lú Olo’ iha Palásiu Prezidensiál Bairrupite, kuarta(17/03).
Maibé, komadante mak halai uluk, soladadu sira ida-idak halo ninia, no dadaun ne'e komandante sei garante, tan ne'e husu atu hothotu kalma.
"Agora ne'e ita iha komandante ida, ne'e mak Primeiru Ministru (PM), ne'ebé hothotu tenke konfia komadante ne'e”, afirma Taur.
Maske ko'alia to'o iha ne'ebé, maibé iha buat rua de'it mak bele garante ba kombate Covid-19, mak komportamentu no vasina, tanba ema ida la halo milagre.
Ho vaksina ne’ebé seidauk to’o Timor-Leste, mak tenke halo prevensaun hodi taka ibun ho máskara, fase liman, labele halibur malu. Kuandu moras ona informa lalais ba pesoál saúde sira.(*)